Оқу-ағарту министрі Ғани Бейсембаев ведомствоның алқа мәжілісінде Семей қаласында Жаңа жыл шыршасын безендіріп жүріп жарақат алған педагогтің оқиғасын заң талаптарын елемеу деп бағалады.
— Аумақтық білім сапасын қамтамасыз ету департаменттері педагог құқығын бұзудың 120 фактісін тіркеді. Оның ішінде педагогтерді қызметтік міндетіне жатпайтын жұмыстарға тартуға жол бермеуді көздейтін заң нормаларын елемеудің салдары Семей қаласында әріптесімізді қайғылы жағдайға ұшырата жаздады, — деді министр.
Еске салсақ, аталған оқиғадан кейін қалалық білім бөлімінің басшысы Біржан Бұлабаев қызметінен босатылған еді.
Ал Еңбек және халықты әлеуметтік қорғау министрлігі Семейде шырша безендіру кезінде биіктен құлап, жарақат алған Қуат Айтқалиевке қандай әлеуметтік көмек төленіп жатқанын айтты.
