Бұл туралы «ҚазАвтоЖол» компаниясы мәлімдеді.
Қарағанды облысында 13 ақпан сағат 20:30-да ауа райының бұзылуына байланысты KAZ01 “Астана-Қарағанды-Алматы” автожолының 1610-1854 шақырымы аралығындағы учаскесінде (Ақсу-Аюлы — Балқаш бағыты) көліктердің барлық түрінің қозғалысына шектеу қойылады, — делінген компания таратқан хабарламада.
Сондай-ақ Абай облысында «Қарағанды-Аягөз-Тарбағатай-Боғас» автожолының 707-900 шақырым аралығындағы учаскесінде (Аягөз қаласынан Сәтбаев ауылының бұрылысына дейін) көліктің барлық түрінің қозғалысы тоқтатылды.
Алматы облысында «Алматы — Өскемен» автожолының 25-67 шақырым аралығындағы учаскесінде (Төлемақы алу пункті терминалынан Қонаев қаласына дейін) көліктің барлық түрінің қозғалысына тыйым салынды.
