Хамастың жоғары лауазымды өкілінің айтуынша, Израиль Газа секторындағы атысты тоқтату келісімін біржақты түрде бұзып, атқылауды қайта бастады.
Израиль радикалды исламшыл Хамас қозғалысының бақылауындағы Газа секторында атысты тоқтату келісімі кезінде тоқтатылған жаппай шабуылдарын қайта бастады. «Саяси эшелонның шешіміне сәйкес, Израиль армиясы мен АХҚО қазіргі уақытта Газа секторындағы Хамас лаңкестік ұйымына тиесілі лаңкестік нысандарға жаппай соққы беріп жатыр. Толық ақпарат кейінірек хабарланады», — деп жазды IDF Telegram арнасы сейсенбі, наурыздың 18-іне қараған түні.
Сондай-ақ Израильдің Газа секторымен шектесетін қалаларындағы мектептердің алдағы 24 сағат бойы жабық болатыны жарияланды.
